၂၀၁၇ ခုနှစ် စက်တင်ဘာလ ၇ ရက်

 Nylon TVS Company မော်တော်ဆိုင်ကယ်အရောင်းပြခန်းသစ် ဖွင့်ပွဲအခမ်းအနားကို စက်တင်ဘာလ ၇ ရက် နံနက် ၈ နာရီက ၈၄လမ်း၊ ၃၅ လမ်းနှင့် ၃၆ လမ်းကြားရှိ အဆိုပါ TVS မော်တော်ဆိုင်ကယ်အရောင်းပြခန်းတွင် ကျင်းပရာ မန္တလေးတိုင်းဒေသကြီးအစိုးရအဖွဲ့ဝင် တိုင်းရင်းသားရေးရာဝန်ကြီး ဦးစိုင်းကျော်ဇော တက်ရောက်၍ ဖဲကြိုးဖြတ်ဖွင့်လှစ်ပေးသည်။

 အခမ်းအနားသို့ လွှတ်တော်ကိုယ်စားလှယ်များ၊ မြို့နယ်အဆင့်တာဝန်ရှိသူများ၊ Nylon TVS ကုမ္ပဏီမှ ဦးခင်စိုး၊ Nylon TVS Motor ကုမ္ပဏီမှ Senior Vice President Mr.Dilip၊ TVS Motor ကုမ္ပဏီမှ International Business Head Mr.Will တို့က Nylon TVS ကုမ္ပဏီပြခန်းအတွင်း လှည့်လည်ကြည့်ရှု အားပေးကြသည်။

 အဆိုပါ Nylon TVS ကုမ္ပဏီ မော်တော်ဆိုင်ကယ်အရောင်းပြခန်းမှ အိန္ဒိယနိုင်ငံလုပ် မော်တော်ဆိုင်ကယ်များဖြစ်သော Apache-160 CC၊ 180CC၊ 200 CC မော်တော်ဆိုင်ကယ်များ၊ max-125 မော်တော်ဆိုင်ကယ်များ၊ NEO.XR-110 မော်တော်ဆိုင်ကယ်များ၊ ROCKZ-125 CC မော်တော်ဆိုင်ကယ်များ၊ Dazz-110 CC မော်တော်ဆိုင်ကယ်များ၊ Wego-110 CC မော်တော်ဆိုင်ကယ်များကို ရောင်းချပေးလျက်ရှိသည်။